काठमाडौं – यही शुक्रवार अर्थात् असार २९ गतेबाट प्रदर्शनमा आउन लागेको चलचित्र ‘बाबु कान्छा’को नयाँ गीत सार्वजनिक भएको छ ।
सार्वजनिक गीतमा चलचित्रका मुख्य कलाकारद्धय सलोन बस्नेत र करिष्मा श्रेष्ठ रोमान्टिक मुडमा देखिएका छन् । प्रदर्शनको अन्तिम तयारीमा रहेको चलचित्र ‘बाबु कान्छा’ ’मेरो पहिलो प्रेम’ बोलको रोमान्टिक गीतमा सुशील पंगेनीको शब्द तथा कमल खत्री र सुधा रत्नको स्वर रहेको छ।
टङ्क बुढाथोकीको सङ्गीत रहेको यस गीतलाई रामजी लामिछानेको कोरियोग्राफी गरेका हुन् । निर शाह, सरोज खनाल, राजाराम पौडेल,लय संगौला ,ऋतिक शाही,सम्राट् सापकोटा,मञ्जु पौडेल ,गीता अधिकारी, रामेश्वर रिजाल , शुशान्त श्रेष्ठ,विक्रम कंडेल, अश्लिन ज्ञवाली, ज्योत्सना महर्जन लगायतका कलाकारको अभिनय रहेको छ ।
‘बाबु कान्छा’ मा सन्तोष राज भण्डारी र सुरज घिमिरे सह(निर्माताको रूपमा रहेका छन् । बाबु श्रेष्ठ र कृष्ण श्रेष्ठको छायाङ्कन रहेको फिल्ममा रामजी लामिछाने र दीपेन्द्र तिमिल्सेनाको कोरियोग्राफी रहेको छ ।
चलचित्रमा अष्ट महर्जनको एक्शन,गौतम राज खड्काको सम्पादन ,टङ्क बुढाथोकी सङ्गीत रहेको छ ।
