ओखलढुंगा – ओखलढुंगाको एक मात्र नगरपालिका सिद्धिचरणमा नेकपा एमाले विजयी भएको छ । मेयरमा उम्मेदवार बन्नुभएका नेकपा एमालेका जिल्ला अध्यक्ष मोहनकुमार श्रेष्ठ विजयी हुनुभएको हो ।
नेपाली कांग्रेसका डील्ली खनाललाई १२६ मत अन्तरले हराउँदै श्रेष्ठ विजयी हुनुभएको हो । श्रेष्ठले ४ हजार ७ सय ३९ मत ल्याउनुभयो भने खनालले ४ हजार ६ सय १६ मत ल्याउनुभयो ।
उपमेयर पनि एमालेकै इच्छाकुमारी गुरुङ विजयी हुनुभयो । उहाँले ४ हजार ८ सय ३६ मत प्राप्त गर्नुभयो । कांग्रेसकी हेमालक्षी राईले ४ हजार ४ सय ५७ मत ल्याउनुभयो । एमालेकी गुरुङ ३ सय ७९ मत अनतरले विजयी हुनुभयो ।
उहाँ शिक्षकबाट राजीनामा गरेर राजनीतिमा होमिनुभएको हो । आन्तरिक विवादले एमालेले आफ्नो गढ मानिएकै क्षेत्रका ३ वटा वडा भने गुमाएको छ । एमालेले वडा नं. ११, ९ र ८ मा पराजय बेहोरेको छ ।
