समाचार सुन्नुहोस :
काठमाडौँ – नेपाल स्टक एक्सचेञ्ज (नेप्से) परिसूचक आज करिब २९ अंकले बढेको छ। नेप्से आज २८ दशमलव ९१ अंक अर्थात् १ दशमलव ११ प्रतिशतले बढेर २ हजार ६१२ दशमलव २० विन्दुमा पुगेको छ। नेप्सेका अनुसार आज विभिन्न ३२८ कम्पनीका ८९ लाख ८ हजार ८५१ कित्ता शेयर ५५ हजार ९३८ पटक खरिदबिक्री हुँदा ४ अर्ब ४३ करोड २४ हजार ६०३ रुपैयाँमा कारोबार भएको छ।
आजको कारोबारपछि सपोर्ट माइक्रोफाइनान्स वित्तीय संस्था लिमिटेड र सुपर मादी हाइड्रोपावर लिमिटेडको शेयर मूल्यमा सकारात्मक सर्किट लागेको छ। साथै बाराही हाइड्रोपावर पब्लिक लिमिटेडको ९ दशमलव ९९ प्रतिशत, बलेफी हाइड्रोपावर लिमिटेडको ९ दशमलव ९३ प्रतिशत र नेपाल हाइड्रो डेभलपर्स लिमिटेडको शेयर मूल्य ८ दशमलव ८६ प्रतिशतले बढेको छ।
त्यसैगरी मानुसी लघुवित्त वित्तीय संस्था लिमिटेडको शेयर मूल्यमा नकारात्मक सर्किट लाग्दा कूल ४२ वटा कम्पनीको शेयर मूल्यमा रातो देखिएको छ। नेप्सेका अनुसार आज कर्पोरेट डेभलपमेन्ट बैंकको ३ दशमलव १६ प्रतिशत, पिपुल्स पावर लिमिटेडको २ दशमलव ३१ प्रतिशत, ग्लोबल आइएमई ब्यालेन्स्ड फन्ड–१ को १ दशमलव ९० प्रतिशत र आत्मनिर्भर लघुवित्त वित्तीय संस्था लिमिटेडको शेयर मूल्य १ दशमलव ८६ प्रतिशतले ओरालो लागेको छ।
