समाचार सुन्नुहोस :
काठमाडौँ नेपाल राष्ट्र बैंकले आज मंगलबारका लागि विदेशी मुद्राहरूको अद्यावधिक विनिमय दर सार्वजनिक गरेको छ। अमेरिकी डलरको मूल्यले नयाँ रेकर्ड कायम गर्दै इतिहासकै उच्च विन्दुमा पुगेको छ। साथै, अस्ट्रेलियन डलर, कुवेती दिनार र बहराइन दिनारजस्ता मुद्राको पनि मूल्य बढेको छ भने युरो र पाउन्ड स्ट्रर्लिङलगायतका मुद्राको दरमा गिरावट आएको छ।
अमेरिकी डलरको खरिद दर १३५ रुपैयाँ ९० पैसा र बिक्री दर १३६ रुपैयाँ ५० पैसा रहेको छ, जुन हालसम्मकै सर्वाधिक हो। यसअघि, गत शुक्रबार यो दर १३५ रुपैयाँ ८३ पैसा र १३६ रुपैयाँ ४२ पैसा थियो। अन्य मुद्राको दरतर्फ, युरोको आजको खरिद दर १४१ रुपैयाँ ३२ पैसा र बिक्री दर १४१ रुपैयाँ ९४ पैसा छ। पाउन्ड स्ट्रर्लिङको खरिद दर १७० रुपैयाँ ४४ पैसा र बिक्री दर १७१ रुपैयाँ १९ पैसा छ।
त्यसैगरी, अस्ट्रेलियन डलरको खरिद दर ८४ रुपैयाँ ९५ पैसा र बिक्री दर ८५ रुपैयाँ ३३ पैसा छ। कुवेती दिनारको खरिद दर ४४१ रुपैयाँ ०२ पैसा र बिक्री दर ४४२ रुपैयाँ ९७ पैसा रहेको छ। बहराइन दिनारको खरिद दर ३६० रुपैयाँ १९ पैसा र बिक्री दर ३६१ रुपैयाँ ७८ पैसा कायम छ। राष्ट्र बैंकले नियमित रूपमा प्रकाशित गर्ने विनिमय दरले विदेशी मुद्रा व्यापारमा दिशानिर्देश दिने कार्य गर्दछ।
