यस्तो छ, भरतपुर महानगरपालिकाको ताजा अपडेट

चितवन – भरतपुर महानगरपालिकामा एमालेका मेयर पदका उम्मेद्वार देवी ज्ञवालीले आफ्नो अग्रता कायम राख्नुभएको छ । तर मतगणना अन्तिम चरण तर्फ पुग्दै गर्दा उहाँको अग्रता घट्दै गएको छ ।

वडा नम्बर १८ को मतगणना सकिँदा देवी ज्ञावली माओवादी केन्द्री मेयर पदकी उम्मेद्वार रेणु दाहाल भन्दा १२ सय १९ मतले अघि हुनुहुन्छ ।

वडा नम्बर १८ वडा अध्यक्षसहित तीन सदस्यमा कांग्रेस विजयी भएको छ भने एक सदस्यमा एमालेका उम्मेद्वार विजयी भएका छन् । उपमेयरमा भने कांग्रेसकी पार्वती शाहको अग्रता कायम छ । अब वडा नम्बर १९, २० र २१ को मत गन्न बाँकी छ ।