प्रतितोला एक हजार रुपैयाँले घट्यो सुनको मूल्य

समाचार सुन्नुहोस : 

काठमाडौँ – सुनचाँदीको मूल्यमा गिरावट आएको छ। अन्तर्राष्ट्रिय बजारमा देखिएको उतारचढावका कारण स्थानीय बजार पनि प्रभावित भएको हो। मंगलबार सुनको मूल्य प्रतितोला १ हजार रुपैयाँले घटेको छ।

नेपाल सुनचाँदी व्यवसायी महासंघका अनुसार सोमबार प्रतितोला १ लाख ५० हजार ६ सय रुपैयाँ रहेको सुनको मूल्य घटेर मंगलबार १ लाख ४९ हजार ६ सय रुपैयाँमा पुगेको छ।

यस्तै, चाँदीको मूल्यमा पनि कमी आएको छ। सोमबार प्रतितोला १ हजार ७ सय ९५ रुपैयाँमा कारोबार भएको चाँदी मंगलबार ३० रुपैयाँले घटेर १ हजार ७ सय ६५ रुपैयाँमा पुगेको छ।