काठमाडौं – पहिलो चरणको स्थानीय तह चुनाव भएका ३४ जिल्लाका २८३ स्थानीय तहमा अहिले मतगणना भइरहेको छ । केही ठाउँको अन्तिम परिणाम पनि आएइसकेको छ ।
स्थानीय तह चुनावमा अहिलेसम्म प्राप्त नतिजाअनुसार नेकपा एमाले अगाडि देखिएको छ । प्रमुख पदमा एमालेले ६, माओवादी केन्द्रले ५ र कांग्रेसले चार तथा स्वतन्त्र एक जनाले जितेका छन् ।
नेकपा एमाले प्रमुख जितेका ठाउँ
- डोल्पाको से फोक्सुण्डो गाउँपालिका – टाँसी तुञ्दुप गुरुङ (निर्विरोध)
- डोल्पाको काइके गाउँपालिका – अंगद राना
- मनाङको चामे गाउँपालिका – लोकेन्द्र घले
- मनाङको नेस्याङ गाउँपालिका – कान्छा घले
- मुस्ताङको घरपजोङ गाउँपालिका – असबहादुर थापा
- स्याङ्जाको फेदीखोला गाउँपालिका – घनश्याम सुवेदी
नेपाली कांग्रेस प्रमुख जितेका ठाउँ
- मनाङको नारफु गाउँपालिका – मिङमानर छिरिङ लामा (निर्विरोध)
- मुस्ताङको लोमान्थाङ गाउँपालिका – सुवर्णकुमार विष्ट
- बाग्लुङको तमानखोला गाउँपालिका – जोकलाल बुढा
- मनाङको नोसाङ गाउँपालिका – चन्द्रबहादुर घले
माओवादी केन्द्रले प्रमुख जितेका ठाउँ
- जुम्लाको गोठिचौर गाउँपालिका – हरिबहादुर भण्डारी
- डोल्पाको जगदुल्ला गाउँपालिका – नरसिंह रोकाया
- हुम्लाको ताजाकोट गाउँपालिका – बागदल मल्ल
- डोल्पाको मुड्केचुला गाउँपालिका – दत्तबहादुर शाही
- कालिकोटको सान्नी त्रिवेणी गाउँपालिका – डम्बर शाही
एक स्वतन्त्र
मुस्ताङको दालोमे गाउँपालिकाको प्रमखुमा स्वतन्त्रका उम्मेद्वार राजु बिष्ट बिजयी हुनुभएको छ । बिष्टले कांग्रेसका तेन्जिङ छिरिङ गुरुङ भन्दा दोब्बर बढि मत ल्याएर विजयी हुनुभएको हो । उहाँ कांग्रेसबाट टिकट नपाएपछि बागीबाट उठ्नुभएको थियो ।
