सरकारको निर्देशन विपरीत अस्पतालभित्रै निजी औषधी पसल

बर्दिया – सरकार र सर्वोच्चको आदेशविपरीत जिल्ला अस्पताल बर्दियाको हाताभित्र निजी औषधी पसल सञ्चालन गरिएको छ । अस्पतालको सरकारी फार्मेसीसँगै निजी औषधि पसल खड्का मेडिकल स्टोर सञ्चालन हुदै आएको छ ।

नेपाल फार्मेसी काउन्सिलका अध्यक्ष एवं वरिष्ठ फार्मासिस्ट बाबुराम हुमागाईंका अनुसार जुनसुकै सरकारी अस्पतालमा आफ्नै फार्मेसी हुुनुपर्छ । बर्दिया अस्पतालको सरकारी फार्मेसीले उपभोक्तालाई १० प्रतिशत अनिवार्य छुट दिने गरेको सुपरभाइजर अविनाश गुप्ताले जानकारी दिनुभयो ।

निजी पसलले पाँच देखि १० प्रतिशत छुट दिने बोर्डमा लेखेपनि नदिने गरेको गुप्ताको दावी छ ।