काठमाडौँ – ५ वर्षपछि नेपाली फिल्ममा कमब्याक गरेका एक्सन नायक विराज भट्टद्धारा अभिनित ‘जय परशुराम’ को ट्रेलर सार्वजनिक गरिएको छ । निर्माता रोज राणाले पहिलो पटक निर्देशन गरेको चलचित्रमा विराज प्रहरी अफिसर्सको भूमिकामा देखिएका छन् । 
सार्वजनिक ट्रेलर विराजको एक्सनले भरिपूर्ण रहेको छ । तराईमा हुने गुण्डागर्दी र सच्चा प्रहरीको कथामा यो चलचित्र बनेको काठमाडौँमा बुधवार आयोजना आयोजित पत्रकार सम्मेलनमा जानकारी गराइयो । ५ वर्ष भोजपुरी चलचित्रमा अभिनय गरेका विराज नेपाली चलचित्रमा फर्किएका हुन् । फिल्मलाई रोज राणाले निर्देशन गरेका हुन् ।
यसअघि निर्माता रहँदै आएका राणाले यसै फिल्मबाट निर्देशनमा डेब्यु गरेका हुन् । फिल्ममा बिराजका अलावा रविन तामाङ र निशा अधिकारीले मुख्य भूमिका रहेको छ । चलचित्रमा एनवी महर्जनको एक्सन, वसन्त श्रेष्ठ र रामजी लामिछानेको कोरियोग्राफी, रामेश्वर कार्कीको छायांकन, महेश खड्काको सङ्गीत छ ।
फिल्म साउन २८ गते देशभर रिलिज हुनेछ ।
ट्रेलर हेर्नुहोस् :
