काठमाडौँ – स्वास्थ्यमा सुधार हुँदै गएपछि काँग्रेस महामन्त्री सशांक कोइरालाको डिस्चार्ज गरिएको छ । दुई साताअघि अकस्मात बिरामी भएपछि कोइरालालाई ओम अस्पतालमा भर्ना गरिएको थियो ।
उहाँलाई दिइने एन्टिवायोटिक तथा इन्जेक्सनको पुरा भएको र निमोनिया समेत निको भएकोले आज डिस्चार्ज गरिएको उपचारमा संलग्न चिकित्सकहरुले जनाएका छन् । कोइरालाको रगत र फोक्सोको एक्स–रे परिक्षण प्रतिवेदन सामान्य देखिएको छ ।
डिस्चार्ज भएपनि उहाँलाई दुई सातासम्म घरमै आराम गर्न चिकित्सकले सुझाव दिएका छन् ।