काठमाडौ- नेपाली काँग्रेसका सभापति सुशिल कोइरालाले नेपाली काँग्रेसको पक्षमा २०१५ सालको पहिलो निर्वाचन जस्तै लहर देखिएकोले यस पटकको निर्वाचनमा दुई तिहाई बहुमत आउने विश्वास ब्यक्त गरेका छन् ।रिपोर्टर्स क्लब नेपालले विहीबार आयोजना गरेको विशेष साक्षात्कारमा उनले भने-२०१५ सालमा शान्तिपूर्ण निर्वाचन हुँदा काग्रेसको पक्षमा दुई तिहाई बहुमत आएको थियो । अहिले पनि काग्रेसको पक्षमा त्यस्तै लहर छ । शान्तिपूर्ण निर्वाचन भए कांग्रेसको पक्षमा दुई तिहाई बहुमत आउँछ ।
साक्षात्कारमा सभापति कोइरालाले नेकपा-माओवादीलाई आफूले गरेको प्रतिबद्धता अनुसार बहिस्कारलाई शान्तिपूर्ण बनाउन आग्रह गर्दै कांग्रेसका कार्यकर्ताहरुलाई कसैले औला ठड्याउन नपाउने गरी संयमित हुन आब्हान गरे ।
नेकपा-माओवादीका अध्यक्ष मोहन बैद्यले वार्ता र सहमतिको लागि आब्हान गरे पनि उनीहरुको पुरानो मागमा कुनै परिवर्तन नआएकोले अहिले सहमतिको सम्भावना नभएको स्पष्ट पार्दै मुलुक निर्वाचनमा होमिएकोले अब निर्वाचन स्थगित हुनै नसक्ने ठोकुवा गरे ।
उनले भने-जनता निर्वाचनमा होमिएका छन । अब निर्वाचन रोक्न सम्भव छैन । निर्वाचन हुनैपर्छ । म मरे पनि निर्वाचन रोकिनु हुँदैन । कोही ब्यक्तिको मृत्यू हुँदैमा अब निर्वाचन रोकिदैन । बैद्यजीहरुले पार्टी परिचालित घटनाहरु रोक्नुपर्छ ।
यद्यपि कोइरालाले नेकपा-माओवादीलाई संविधान निर्माणको प्रक्रियामा छलफल मार्फत भने सहभागिता गराउन सक्ने र कांग्रेसले त्यसको लागि पहल गर्ने स्पष्ट पारे । ***
