आबुदाबी – ताकी ताका तानी ……..ताकी ताका तानी इकु …इकु भन्दै जंगली मान्छे बन्ने नेपाली चलचित्रका चर्चित कलाकार सुलेमान शंकर यतिबेला युएईको बिभिन्न सहरमा प्रवासी नेपालीहरूलाई सांगीतिक कार्याक्रमका साथ ईकु-२ प्रदर्शन गर्दै मनोरन्जनात्मक कोसेली दिइरहेका छन ।
दुइ महिना देखि युएइको विभिन्न सहरहरुमा आफ़्नो चलचित्र इकु भाग-२ प्रवासी नेपालीहरुलाई आफ़्नो कलाकारिताको धमाका देखाइरहेका सुलेमानले रोयस , शाहारजा, अल्लियान, दुबई लगायतको स्थानमा सफल प्रदर्शनपछि अबुधावीको केरला सोसाइटीमा आगामी फेब्रुवरी १ तारिख गरीने कार्यक्रमको तयारी अन्तिम चरणमा पुगेको उनका सहयोगीहरुले बताएका छन ।
युएइका चर्चित कलाकारहरु आशिष पुरुष, तृष्ण लामा, रेखा घिमिरे, रबिन, कुशल लगायतको बिशेष प्रस्तुती रहने मनोरञ्जनात्मका कार्यक्रममा शंखरले इकु जंगली मान्छेको भूमिकामा लाइभ प्रतुती बिशेष आकर्षण रहने आयोजकले बताएका छन ।
अपरान्ह तीन बजे देखि साझ सात बजेसम्म संचालन हुने कार्याक्रम पहिलो चरणमा सांगीतिक कार्यक्रम तथा दोस्रो चरणमा इकु- २ मञ्चन गरिने भएको छ । कार्यक्रममा सहभागी हुन तथा नेपाली कला संस्कृतिलाईमाया गर्ने सम्पूर्ण प्रवासी नेपालीहरुलाई उपस्थिति भईदिन कलाकार सुलेमान संखरले आग्रह गरेका छन ।
