टोकियो- जापानले चीन तथा ताइवानसँग तीतो क्षेत्रीय विवादमा परेका द्वीपहरुको समूह खरिद गर्ने विचार गरिरहेको जानकारी जापानी प्रधानमन्त्री योशिहिको नोदाले शनिबार दिनुभएको छ ।यो पाइलाले बेइजिङ र ताइवानसँग तनाव उत्पन्न गराउनसक्ने अनुमान गरिएको छ । पूर्वी चाइना सीमा रहेका र जापानी भाषामा सेन्काकु तथा चिनियाँ भाषामा डियाओयु नाम गरेका यी द्वीपलाई बेइजिङ तथा ताइपेईले पनि दाबी गरेका छन् ।
प्रधानमन्त्री नोडाले ती द्वीपहरुमा जापानको प्रभावकारी नियन्त्रण रहेकाले त्यसको स्वामित्वमा विवाद नरहेको पत्रकारहरुलाई बताउनुभयो ।
हाल जापानी नागरिकको निजी सम्पत्तिको रुपमा रहेका यी द्विपलाई खरिद गर्ने योजना बनाएको जानकारी सरकारले टोकियोका गभर्नर सिन्तारो इसिहारालाई दिएको बताइएको छ ।
जापानले यी क्षेत्रको संरक्षण गर्न पर्याप्त काम नगरेको आरोप लगाउँदै गभर्नर इसिहाराले आफूले युओत्सुरिजिमा, किटाकोजिमा तथा मिनामिकोजिमा द्वीप खरिद गर्न वार्ता चलाएको अपि्रल महिनामा बताउनुभएको थियो ।
यससम्बन्धी एक समाचारमा हाल कुरिहारा परिवारको स्वामित्वमा रहेको यी द्वीपलाई खरिद गर्न सरकारले वार्ता गरिरहेको र उनीहरुलाई यस वर्षको अन्त्यसम्म सरकारको नियन्त्रणमा ल्याइने योजना बनेको बताउनुभयो ।
उहाँले यी द्वीपलाई खरिद गर्न मुलुकभरबाट एक करोड ६३ लाख अमेरिकी डलर चन्दा प्राप्त भएको बताउनुभयो ।
