टोकियो – तमु जातीहरुको सांस्कृतिक धरोहरकोरुपमा रहेको रोंधी प्रथालाइ बचाई राख्न हरेक बर्ष तमु धीं जापानले आयोजना गर्दै आइरहेको यस बर्षको १६ औ रोंधी साँझ कार्यक्रम आउदो अगस्त-१२ तारिखका दिन हुने भएको छ ।
१६ औ रोंधी साँझ कार्यक्रमका लागी नेपालदेखि चर्चित गायक दीपक लिम्बू गायिका इन्दिरा जोशी र लोकदोहोरी गायिका ज्योति लोहोनीलाई जापान बोलाइने भएको छ । आउदो अगस्त- १२ तारिख आइतबारका दिन ४.०० बजे देखि टोकियो इकेगामी स्थित इकेगामी खाईकानमा हुन लागेको १६ औ रोंधी साँझ कार्यक्रमलाइ सम्पन्न गर्नका लागी धींका सल्लाहकार प्रमुख ओमप्रकाश तमु संयोजक र सांस्कृतिक संयोजक युक्तमान तमुको सह-संयोजकत्वमा समिति गठन गरिएको छ । तमु धीं जापानका अध्यक्ष हर्क तमुको अध्यक्षतामा यही जून-२३ तारिखमा सिन्जुकुको खाबुखिचोस्थित युनिभर्सल सिटीमा बसेको धीको आकस्मिक बैठकले सो निर्णय गरेको हो ।
साथै रोंधी साँझ कार्यक्रममा प्रायोजन, सह-प्रायोजन र बिज्ञापन प्रसारण गर्न चाहानुहुने जापानबासी व्यावसायी एवं बिभिन्न व्यापारिक संघसंस्थाका महानुभावहरुलाई धींमा सम्पर्क गरि सहयोग गरि दिनु हुन पनि आर्थिक बिभागका कोषाध्यक्ष खडगसिंह तमुले हार्दिक अपिल गर्नुभएको छ । तमु धीं टोकियो जापानले हरेक बर्ष रोंधी साँझ कार्यक्रममा नेपालका चर्चित गायक, गायिकालाई जापानमा ल्याई कार्यक्रम गर्दै आइरहेको छ । ***
