पाँचथर–कक्षाकोठामै विद्यार्थीले ‘पोर्न भिडियो’ हेर्न थालेपछि पाँचथरको एक विद्यालयले मोबाइलमा प्रतिबन्ध लगाएको छ ।लुम्फाबुङ– १ स्थित लुम्फाबुङ माध्यमिक विद्यालयले मोबाइल बोक्न प्रतिबन्ध लगाएको प्रधानाध्यापक घनश्याम आङदेङ्वेले जानकारी दिए । कक्षाकोठामै ‘पोर्न भिडियो’ हेर्न थालेको, हेड फोन लगाएर गीत सुन्ने, फोनमा कुरा गर्ने, एसएमएस गर्न थालेपछि मोबाइल प्रतिबन्ध लगाउन बाल क्लवले आग्रह गरेको थियो ।
मोबाइल प्रतिबन्ध लगाएपछि आफ्नो पढाइ पनि राम्रो भएको १० कक्षामा अध्ययनरत सीता अधिकारीले बताइन् ।
बाल क्लवका अध्यक्ष प्रदीप खनालले पढिरहेकाबेला विद्यार्थीहरुको ध्यान मोबाइलमा मात्रै पाइएकाले प्रतिबन्ध लगाउन विद्यालयलाई आग्रह गरिएको जानकारी दिए ।
उनकाअनुसार अबदेखि विद्यार्थीमात्र होइन शिक्षकले पनि कक्षाकोठामा मोबाइल बोक्न नपाउने आचारसंहिता बनाइएको छ । ‘कक्षा कोठामा आएपछि शिक्षकले मोबाइल स्विच अफ गर्नैपर्छ,’ उनले भने ।
