काठमाडौं– ‘सहनुको पनि सीमा हुन्छ’ भन्दै आएको बरिष्ठ उपाध्यक्ष मोहन वैद्य ँकिरण’ समूहले पार्टी फुटाउने योजनासहित शनिबार राजधानीमा छुट्टै भेला गरेको छ ।
स्रोतका अनुसार भेलामा वैद्य पक्षका पदाधिकारी, स्थायी, पोलिट्ब्युरो, केन्द्रीय सदस्य, सभासद्, राज्य समितिका सदस्य, जिल्ला समितिका पदाधिकारी तथा सदस्य एवं जनवर्गीय संगठनका पदाधिकारी एवं सदस्यलाई बोलाइएको थियो ।
स्रोत भन्छ- भेलामा उपाध्यक्ष वैद्य र महासचिव रामबहादुर थापा ‘बादल’ले पार्टी फुटाउँदाको स्थितिबारे छलफल गरेका थिए । भेलामा सहभागीका लागि बेग्लै पोशाकसमेत तयार पारिए पनि सहभागी सादा पोशाकमा नै देखिएका थिए । पोशाक रातो रंगको थियो ।
वैद्य पक्षको भेला भइरहँदा माओवादी अध्यक्ष प्रचण्ड भने पार्टी एकता कार्यक्रममा सहभागी भइरहेका थिए । ***
