तेहरान – इरानमा एक विमान दुर्घटना हुँदा त्यसमा सवार ६६ जनाको मृत्यु भएको छ ।
असेमन एयरलाइन्सको विमानमा ६० यात्री, दुई सुरक्षाकर्मी र चालक दलका चार सदस्य सवार थिए । सो एयरलाइन्सले आफ्नो विमान दक्षिणी इरानमा दुर्घटना भएको र सबै यात्रीको मृत्यु भएको जनाएको छ ।
एयरलाइन्सका प्रवक्ता मोहम्मद ताघी टाबाटबइले इरानको टेलिभिजनलाई दिएको जानकारीअनुसार विमानमा सवार सबैको मृत्यु भएको छ । उडान भरेको केही बेरमै सो विमान राडारबाट गायव भएको थियो ।
समाचार एजेन्सीहरुका अनुसार विमान इस्फहान प्रान्तको सेमिरोम सहर नजिकै पहाडी क्षेत्रमा दुर्घटना भएको हो । उद्धारका लागि पठाइएको एउटा हेलिकोप्टर खराब मौसमका कारण अवतरण गर्न नसकेको जनाइएको छ ।
