रौतहट– नेकपा एमालेका वरिष्ठ नेता माधवकुमार नेपालले संविधान निर्माण र शान्ति प्रकृया अघि बढाउन प्रधानमन्त्री डा. बाबुराम भट्टराई नै मुख्य बाधक रहेको गुनासो गर्नुभएको छ । रौतहट विकास गुठीले आइतबार बिहान रौतहटको गंगा पिपरामा गरेको शितलहर पीडितलाई कम्बल वितरण गर्ने कार्यक्रममा नेता नेपालले प्रधानमन्त्रीको आलटालले शान्ति प्रकृया अघि नबढेको दावी गर्नुभयो ।पूर्व प्रधानमन्त्री समेत रहेका नेपालले शान्ति प्रकृया र संविधान निर्माणमा वर्तमान सरकारले आलटाल गरेर बेकारमा समय खेर फालेको बताउनुभयो । शिविरमा रहेका लडाकुलाई पुनःस्थापना लगायत सेना समायोजन सहितका काममा वर्तमान सरकारले नै ढिलाई गरिरहेको आरोप लगाउनुभयो ।
नेता नेपालले शान्ति प्रकृया तथा संविधान निर्माणको काम पुरा गर्न इमान्दारिता र लचकता देखाउन माओवादीसँग आग्रह गर्नुभयो ।
