काठमाडौं– पूर्वप्रधानमन्त्री एवं राष्ट्रिय प्रजातन्त्र पार्टीका बरिष्ठ नेता लोकेन्द्रबहादुर चन्दले आगामी चुनावमा प्रत्यक्षतर्फ उम्मेदवार नबन्ने घोषणा गरेका छन् ।
समुद्रपारिसँग विशेष कुरा गर्दै चन्दले उमेर र स्वास्थ्यका कारण फेरि चुनाव नलड्ने घोषणा गरेका हुन् । ‘यो नै मेरो अन्तिम चुनाव हो,’ उनले भने, ‘अबका कुनै पनि चुनावमा म प्रत्यक्षतर्फ उम्मेदवार बन्दिनँ ।’
बैतडीका दुवै निर्वाचन क्षेत्रबाट चुनाव लडेका चन्दले जीवनको अन्तिम अवस्थामा गृहजिल्लाबाट चुनाव जित्ने आशा व्यक्त गरे । ‘सम्भवतः मेरो जिल्लाका लागि मैले सेवा गर्ने यो अन्तिम मौका हो,’ उनले भने ।
२०५१ सालको मध्यावधि निर्वाचनमा दुवै क्षेत्रबाट विजयी भएका चन्द २०५६ सालमा दुवै क्षेत्रबाट पराजित भए । २०६४ सालको पहिलो संविधानसभा निर्वाचनमा प्रत्यक्ष चुनाव नलडेका उनी समानुपातिक सभासद् हुन् ।
