डेनमार्क-विश्व साइकल यात्री सौरब दाहाललाई कोपनहेगनमा आयोजित एक कार्यक्रमकाबीच आगामी यात्राको लागि सफलताको कामना सहित बिदाई गरिएको छ |
गैरआबसिय नेपालीसंघ डेनमार्कले आयोजना गरेको कार्यक्रममा डेनमार्कमा बसोबास गर्ने विभिन्न संघसस्थाका प्रतिनिधिहरुको उपस्थिति रहेको थियो | सौरबको आगमी यात्राको लागि उपस्थित सबैले शुभकामना र बधाई साथै सल्लाहसुझाव समेत दिएका थिए | संघले उनको आगमी यात्राको भिसा प्रबन्धको लागि भारत आउने जाने सम्पुर्ण सहयोग गर्दै यात्रा सफलताको लागि प्रसंसा पत्र समेत हस्तान्तरण गरेको थियो | यात्री एकसाता अघि ५९ राष्ट्र यात्राको सिलसिलामा डेनमार्क आएका थिए | डेनमार्कमा उनले १०० किलोमिटर भन्दा बढी साइकल यात्रा गर्नुका साथै डेनमार्क साइकल फेडरेसनका प्रतिनिधिहरुसँग भेट गरेर नेपालमा गर्न सकिने माउन्टेन बाइकिंगको बारेमा चर्चा गरेका थिए | उनको डेनमार्क यात्राको सम्पुर्ण प्रबन्धको व्यवस्था गैरआबसिय नेपाली संघ डेनमार्कका प्रेसिडेन्ट मोहन राज मिश्रले गरेका थिए | गैरआबसिय नेपालीसंघ बेल्जियमका संस्थापक प्रेसिडेन्ट रबिन्द्र मान् श्रेष्ठ, श्रमिती रजनी प्रधानले सौरबलाई युरोपको सम्पूर्ण राष्ट्र यात्राको प्रबन्ध मिलाइदिएका छन | ***
