वरिष्ठ अधिवक्ता त्रिपाठीविरूद्ध अदालतको अवहेलना मुद्दा दायर

समाचार सुन्नुहोस : 

काठमाडौँ – वरिष्ठ अधिवक्ता दिनेश त्रिपाठीविरुद्ध अदालतको अवहेलनाको मुद्दा दायर भएको छ। जिल्ला अदालत काठमाडौंका सूचना अधिकारी दीपककुमार श्रेष्ठका अनुसार, शुक्रबार दिलकुमार राई नामका व्यक्तिले त्रिपाठीविरुद्ध मुद्दा दर्ता गरेका हुन्। दिलकुमार राई उदयपुरका स्थायी बासिन्दा हुन् र हाल काठमाडौंमा बस्दै आएका छन्।

त्रिपाठीले राष्ट्रिय स्वतन्त्र पार्टी (रास्वपा) का सभापति रवि लामिछानेको सहकारी ठगीसम्बन्धी मुद्दामा न्यायाधीश माधवप्रसाद अधिकारीले धरौटीमा छाड्ने आदेशको विषयमा प्रश्न उठाउँदै अन्तर्वार्ता दिएका थिए। उनले अन्तर्वार्तामा न्यायाधीशमाथि कार्यक्षमतामाथि प्रश्न उठाएर टिप्पणी गरेको आरोप छ।