काभ्रेको महाभारत जंगलमा लागेको आगो निभाउन सिम्रिकको हेलिकोप्टर परिचालन

समाचार सुन्नुहोस : 

काठमाडौँ – काभ्रेको बेथानचोक गाउँपालिका वडा नम्बर १ र २ को सिमानामा पर्ने गुवा भञ्ज्याङ् र आसपासको जङ्गलमा लागेको डढेलो नियन्त्रणका लागि सिम्रिक एयरको हेलिकोप्टर प्रयोगमा ल्याइएको छ। हेलिकोप्टरबाट पानी खन्याउँदै आगो निभाउने प्रयास भइरहेको छ। मंगलबार दिउँसो सुरु भएको यो डढेलो अहिलेसम्म नियन्त्रणमा आउन सकेको छैन।

डढेलो नियन्त्रण गर्न गृह मन्त्रालयको समन्वयमा सिम्रिक एयरको हेलिकोप्टरमा पानी प्रयोग गरेर कार्य अघि बढाइएको जानकारी बेथानचोक गाउँपालिका अध्यक्ष भगवान अधिकारीले दिएका छन्। सो क्षेत्रमा रहेको सेतीभिरको जङ्गल आगलागीबाट बढी प्रभावित भएको छ।