प्रधानमन्त्री ओली चार दिनदेखि अस्वस्थ, आजका सबै कार्यक्रम स्थगित

समाचार सुन्नुहोस : 

काठमाडौँ – प्रधानमन्त्री केपी शर्मा ओली अस्वस्थ बनेका छन्। प्रधानमन्त्री ओली अस्वस्थ भएकाले बालुवाटारमै आराम गर्न चिकित्सकले सुझाव दिएको प्रधानमन्त्रीको सचिवालयले जानकारी दिएको छ। अस्वस्थताको कारण ओलीले आज पाल्पा र रूपन्देहीमा पूर्वनिर्धारित उद्घाटन र शिलान्यास कार्यक्रममा सहभागी नहुने भएका छन्।

मंगलबार साँझदेखि स्वास्थ्य समस्या देखिएपछि चिकित्सकको सल्लाहमा पाल्पा र रूपन्देहीका कार्यक्रम स्थगित गरिएको हो। ओलीले सिद्धबाबामा निर्माण भइरहेका सुरुङ मार्गको ब्रेक थ्रु, बुटवल-गोरूसिंगे सडकको स्तरोन्नतिको शिलान्यास, साथै पाल्पाको बगनासकाली र तिनाउ गाउँपालिकाका प्रशासकीय भवन उद्घाटन गर्ने कार्यक्रम तय भएको थियो ।