भीम रावलको पक्षमा लागेको भन्दै अछामका ६ जना एमालेबाट निष्कासित

समाचार सुन्नुहोस : 

काठमाडौँ – नेकपा एमाले अछामले भीम रावलको मातृभूमि जागरण अभियानलाई समर्थन गरेको आरोपमा ६ जना पार्टी नेताहरूलाई जिम्मेवारीमुक्त गरेको छ।

जिल्ला अध्यक्ष चन्द्र बोहरा र सचिव भीमबहादुर रावलले जारी गरेको विज्ञप्तिमा पार्टीको विधानविपरीत गतिविधिमा संलग्न भएको भन्दै उक्त कारबाही गरिएको उल्लेख छ।

जिम्मेवारीबाट हटाइनेमा जिल्ला कमिटी सचिवालयका सदस्य तथा संगठन विभाग प्रमुख प्रकाश शाह, सदस्यहरू सागरसिंह बाब्ली, बलबहादुर कुवँर, शंकर भुल, रतन रावल, र साँफेबगर नगर कमिटी अध्यक्ष ढकेन्द्र कुँवर छन्। विज्ञप्तिमा यसबारे थप जानकारी प्रदान गरिएको छ।