काठमाडौं – तनहुँको आँबुखैरेनी गाउँपालिका-२ ऐनापहरामा भएको बस दुर्घटनामा १४ जनाको मृत्यु भएको छ । सशस्त्र प्रहरी बल, नेपालका सहायक प्रवक्ता डीएसपी शैलेन्द्र थापाका अनुसार अहिलेसम्म १४ जनाको शव बाहिर निकालिएको छ ।
१६ जना घाइतेलाई उद्धार गरी अस्पताल पठाइएको छ । भारतीय नम्बर प्लेटको यात्रुवहाक बस शुक्रबार बिहान मर्स्याङ्दी नदीमा खसेको थियो । कास्कीको पोखराबाट काठमाडौंका लागि छुटेको युपी ५३ एफटी ७६२३ नम्बरको बस मर्स्याङ्दी नदीमा खसेको हो ।
डीएसपी थापाकाकाअनुसार बसमा भारतीय नागरिकहरू रहेका थिए । बसमा ४१ जना यात्रु, चालक र सहचालक गरी ४३ जना रहेको प्रहरीको भनाइ छ । घटनास्थलमा नेपाली सेना, नेपाल प्रहरी र सशस्त्र प्रहरी परिचालन गरिएको छ ।
तपाईको प्रतिक्रिया
सम्बन्धित समाचार
