काठमाडौं – राष्ट्रपति उम्मेदवार रामचन्द्र पौडेलले आफू शीतल निवासबाट बाहिर निस्कँदा सडकमा जाम नहुने दाबी गरेका छन् । मतदान गर्न नयाँ बानेश्वरस्थित संघीय संसद भवन परिसर पुगेका पौडेलले पत्रकारहरूसँग कुराकानी गर्दै यस्तो दाबी गरेका हुन् ।
आफू राष्ट्रपति निर्वाचित भएमा उदाहरणीय काम गर्ने उनको जिकिर छ । ‘राजतन्त्रको राष्ट्रप्रमुख र गणतन्त्रको राष्ट्रप्रमुखबीच भिन्नता तपाईंहरूले देख्नुहुनेछ,’ उनले भने, ‘शीतल निवासबाट राष्ट्रपति बाहिर निस्कँदा जनताले सास्ती व्यहोर्नु पर्दैन ।’
