काठमाडौँ – बलिउड अभिनेता शाहरूख खान र दीपिका पादुकोण अभिनीत फिल्म ‘पठान’ को ट्रेलर सार्वजनिक भएको छ। मंगलबार यशराज फिल्म्सको युट्युब च्यानलबाट फिल्मको ट्रेलर सार्वजनिक गरिएको हो। सार्वजनिक ट्रेलरमा भरपूर एक्सन दृश्य समावेश गरिएको छ।यो यशराज फिल्म्सको चौथो स्पाई युनिभर्सको फिल्म हो। यशराज फिल्म्स ब्यानरबाट बनेका एक था टाइगर, टाइगर जिन्दा है र वार स्पाई युनिभर्सका फिल्म हुन्। यस युनिभर्समा बन्ने फिल्म सबै जासुसीमा आधारित हुनेछ।
पठान’ पछि स्पाई युनिभर्सको आगामी फिल्म ऋतिक रोशनको ‘फाइटर’ हुने बताइएको छ। सिद्धार्थ आनन्दले निर्देशन गरेको फिल्म ‘पठान’मा शाहरूख र दीपिका पादुकोणसँगै जोन अब्राहमको पनि मुख्य भूमिका छ। यस फिल्ममार्फत शाहरूख खान पाँच वर्षपछि कमब्याक गर्दैछन्।
शाहरूख र दीपिका सैनिककाे भूमिकामा देखिएका छन् भने जाेन भिलेनकाे भूमिकामा देखिएका छन्। यस फिल्ममा सलमान खान केमियाे भूमिकामा देखिने चर्चा छ। निर्देशक आनन्दको कथा रहेको फिल्मको पटकथा अब्बास टायरवालाले तयार पारेका हुन्। यो फिल्म जनावरी २५ देखि प्रदर्शन हुँदैछ।
