काठमाडौँ – चर्चित कार्यक्रम ‘इन्द्रेणी’का सञ्चालक कृष्ण कँडेलको अभिनय रहेको म्युजिक भिडियो सार्वजनिक भएको छ । युवराज चौलागाईँ र शान्तीश्री परियारको स्वरमा सार्वजनिक ‘पासपोर्ट हातैमा’को भिडियोमा कँडेलले अभिनय गरेका हुन् ।
युवराज चौलागाईंको शब्द एवं संगीत रहेको गीतमा संगीत संयोजनको काम गरेका छन् जुजु गुरुङले । गरिबीका कारण परिवारसँगै बिछोडिएर वैदेशिक रोजगारीमा जानुपर्ने बाध्यता र त्यसले परिवारमा निम्त्याउने परिस्थितिलाई गीतमा प्रस्तुत गरिएको छ ।
उदिराम खड्काको निर्देशनमा तयार गीतको म्युजिक भिडियोमा कृष्ण कँडेलसँगै उनकी पत्नी प्रतिमा कँडेल, अञ्जली अधिकारी, दीपक घिमिरे, रसना अधिकारी, आयुषा गौतम, रविना बसेललगायतको अभिनय छ । मिराज अर्यालले भिडियोको छायांकन एवं सम्पादन गरेका हुन् ।
