काठमाडौं- घरेलु मैदानमा मलेसियालाई १० विकेटले पराजित गर्दै नेपालले बिहीबार आईसीसी वर्ल्ड क्रिकेट डिभिजन फोर मा लगातार तेस्रो जित हात पारेको छ । जितसँगै ३ खेलबाट ६ अंकका साथ शीर्ष स्थानमा रहेको नेपालको फाइनल प्रवेशको सम्भावना बलियो भएको छ ।मलेसियाले प्रस्तुत गरेको ७० रनको लक्ष्य नेपालले १२ दशमलव २ ओभरमा विकेट नै नगुमाई भेट्टायो । नेपालका ओपनरद्वय अनिल मण्डल ४० र सुभास खकुरेल २४ रनमा अविजित रहे । सेलाङ्गर टर्फ क्लबको मैदानमा टस जितेर व्याटिङ थालेको मलेसियाले ३२ दशमलव १ ओभरमा सवै विकेट गुमाएर ६९ रन बनायो । नेपाली बलरहरुको कसिलो बलिङका सामू निरीह देखिएका मलेसियाका व्याट्सम्यानले खुलेर व्याटिङ गर्न सकेनन् ।
