आर्सनलको दुर्दशा कायमै, एस्टन भिल्लासँग पनि हार्‍यो

काठमाडौं – इङ्ग्लिस प्रिमियर लिग फुटबल अन्तर्गत शनिबार भएको खेलमा आर्सनललाई एस्टन भिल्लाले पराजित गरेको छ। आर्सनललाई एस्टन भिल्लाले १-० गोल अन्तरले पराजित गरेको हो।

एस्टन भिल्लालाई घरेल मैदानमा महत्वपूर्ण जित दिलाउने क्रममा खेलको दोस्रो मिनेटमै ओली वाट्किन्सले निर्णायक गोल गरेका थिए।

आर्सनललाई हराएसँगै एस्टन भिल्ला प्रिमियर लिगको आठौं स्थानमा पुगेको छ। एस्टन भिल्लाले २१ खेलबाट ३५ अंक जोडेको छ। पराजित आर्सनल २३ खेलमा ३१ अंक जोडेर लिगको दशौँ स्थानमा छ। आर्सनलले जारी सिजनमा १० औँ खेल गुमाइसकेको छ।