जापानमा बर्ड फ्लुको सङ्क्रमणमा वृद्धि

समाचार सुन्नुहोस :

काठमाडौँ – जापानमा एभियन इन्फ्लुएन्जाको प्रकोप तीव्र रूपमा फैलिरहेको छ। जसका कारण यो महिनामा मात्र लगभग ५० लाख कुखुरा र अन्य चराहरू मरेका छन्। कृषि तथा वन मन्त्रालयका अनुसार मोरियोका शहरका दुई कुखुरा फार्महरूमा यस हप्ता नयाँ प्रकोप पुष्टि गरिएको छ। यो महिनामा मात्र २६ प्रकोप क्षेत्र पहिचान भइसकेका छन्। जसबाट करिब ५० लाख चराहरू प्रभावित भएका छन्।

प्रकोपको कारणले अण्डाको मूल्यमा समेत ठूलो वृद्धि भएको छ। मन्त्रालयले यो वर्षको सुरुदेखि नै अण्डाको मूल्य १५ प्रतिशतले बढेको जनाएको छ। साथै, केही उद्योग विश्लेषकहरूले आपूर्तिमा सम्भावित अभावको चिन्ता व्यक्त गरेका छन्।