१३ औं सागका पदक विजेता सिंहलाई खप्तड-छेडेदहले गर्‍यो सम्मान

 काठमाडौं – बाजुराको खप्तड-छेडेदह गाउँपालिकाले १३ औं दक्षिण एसियाली खेलकुद (साग)मा पदक जित्न सफल रमा सिंहलाई सम्मान गरेको छ । गाउँपालिकाकै वडा नम्बर-२ निवासी नेपाली सेनामा कार्यरत सिंहले १३ औं साग अन्तर्गत फेन्सीङ्गमा समूहतर्फ रजत र एकलतर्फ तर्फ कास्य पदक जितेकी थिइन् ।

सिंहले एकलमा भारतसंग प्रतिस्पर्धा गरेर कास्य जितेकी थिइन भने समूहतर्फ पनि भारतसंगै प्रतिस्पर्दा गरेर रजत जितेकी हुन् । फेन्सीङ्गलाई साहसिक खेल मानिन्छ । बाजुरामा जन्मिएर देशको गौरव बढाएकोमा उनलाई सम्मान गरिएको पालिकाले जनाएको छ ।

अन्तर्राष्ट्रिय स्तरमा वल्ड च्यान्पेन्सिङ्ग जर्मन र सिपु वपोन च्यान्पेसिङ्ग थाइल्यान्डमा गएर खेलिसकेकी छिन् । सामान्य परिवारमा जन्मेकी रमाको यो सफलताले अवसर पाएमा महिलाहरुले पनि केही गर्न सक्छन् भन्ने उदारण बनेकी छिन् ।