पाेलिस खेलाडी स्विटेकले रचिन् इतिहास

काठमाडौं – पाेल्यान्डकी १९ वर्षीया इगा स्विटेकले फ्रेन्च ओपन टेनिसकाे उपाधि जितेकी छन् । भर्खर सम्पन्न महिला एकल फाइनलमा अनुभवी अमेरिकी सोफिया केनिनलाई साेझाे सेटमा हराएर उपाधि जितेकी हुन् ।

उनले राेलान्ड ग्याराेसमा ६-४, ६-१ काे सेटमा जित हात पारिन्। स्विटेकले केनिनलाई जुनियर स्तरमा एकपल्ट पराजित गरेकी छन्। पहिलाेपटक पेरिसमा खेलेकी उनले उपाधि नै जितिन्। उनी पाेल्यान्डका लागि पहिलाे ग्रान्ड स्लाम टेनिस उपाधि जित्ने खेलाडी पनि भएकी छन्।

स्विटेक पेरिसमा वरीयताविहीन भएर सन् २००७ पछि उपाधि जित्ने खेलाडी पनि भएकी छन् । त्यतिबेला बेल्जियमकी जस्टिन हेनिनले उक्त सफलता पाएकी थिइन् । उनी ५४ औं स्थानकी खेलाडी हुन्।

स्विटेक फाइनल पुग्नुअघि सन् २०१८ की विजेता सिमोना हालेप र २०१९ की उपविजेता मार्केटा भोन्डरोउसोभालाई समान ६-१, ६-२ को सेटमा रोकेकी थिइन् ।