काठमाडौँ – लियोनेल मेसीले पछिल्ला दिनमा आफुले उठाएका कदम सबै बार्सिलोनाको राम्रोका लागि भएको स्पष्ट गरेका छन् । स्पोर्ट्ससँगको अन्तर्वार्ताको क्रममा मेसीले आफुले बार्सिलोना अझ बलियो र राम्रो होस् भनेर नै यी कदम उठाएको बताएका छन् ।
मेसीले बार्सिलोना छोड्ने प्रकरणले सारा फुटबल जगत तरंगित भएपनि अन्तत: मेसीले बार्सिलोनामै बस्ने निर्णय गरेका थिए । मेसीले विश्वभरका आफ्ना र बार्सिलोनाका फ्यानहरुलाई संदेश दिदै आफुले आफ्नो तर्फबाट भएका कमजोरी भएका भए, त्यसको जिम्मेवारी लिने बताउदै यो सबै बार्सिलोना राम्रो होस् भनेर गरेको बताएका छन् ।
उनले भनेका छन् – ‘मैले हामीलाई फलो गर्ने सबै फ्यानहरुलाई भन्न चाहान्छु की कुनै समयमा मैले भनेको कुराले उनीहरुमा कुनै किसिमको शंका उत्पन्न भएको छ भने म त्यो स्पष्ट गर्न चाहन्छु, मैले सधै क्लबको हित ध्यानमा राखेर कुरा गर्ने गरेको छु ।’
मेसीले धेरै असहमति हुदा हुदै पनि आफुले सबै कुराको अन्त्य गरेर अगाडी बढेको बताउदै मेसीले अहिले फेरी आफुहरु एक भएर खेल्न शुरु गरेको बताएका छन् । मेसीले बार्सिलोनाले अझ राम्रो गर्ने विश्वास व्यक्त गरेका छन् । मेसी प्रकरणपछि ला लिगाको शुरुवात गरेको बार्सिलोनाले भिल्ला रियललाई ४-० गोल अन्तरले पराजित गर्दै उत्कृष्ट शुरुवात गरेको छ भने अब अर्को खेल विहिबार राती सेल्टाभिगोविरुद्ध खेल्दै छ ।
