काठमाडौं – नेपालमा गत २४ घण्टामा थप ५३५जनामा कोरोना भाइरसको संक्रमण पुष्टि भएको छ । विभिन्न प्रयोगशालामा गरिएको परीक्षणमा थप ५३५ जनामा कोरोनाको संक्रमण पुष्टि भएको हो ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार ५३५ थपिएसँगै नेपालमा कोरोना संक्रमितको संख्या ९ हजार पाँच सय ६१ पुगेको छ ।
त्यस्तै, विभिन्न अस्पतालबाट गत २४ घण्टामा ३७० जना डिस्चार्ज भएका छन् । योसहित नेपालमा हालसम्म २ हजार १ सय ४२ जना कोरोनामुक्त भई विभिन्न अस्पतालबाट डिस्चार्ज भइसकेका छन् ।