काठमाडौं – नेपालमा कूल २१९ जनाले कोरोनाको सङ्क्रमण जितेका छन् । विभिन्न अस्पतालको ‘आइसोलेसन’मा उपचाररत २१९ जना कोरोनामुक्त भएर ‘डिस्चार्ज’ भएका हुन् ।
डिस्चार्ज हुनेको संख्या बढेपनि नयाँ संक्रमितको संख्या भने घट्न सकेको छैन । परीक्षणको दायरा बढेसँगै नयाँ संक्रमित थपिने क्रम बढेको छ । आजमात्रै थप १८९ जनामा कोरोना संक्रमण पुष्टि भएको छ । विभिन्न प्रयोगशाखामा गरिएको परीक्षणमा थप १८९ जनामा कोरोना संक्रमण पुष्टि भएको हो ।
स्वास्थ्य मन्त्रालयका अनुसार १८९ जना थपिएसँगै नेपालमा संक्रमितको संख्या १ हजार ४ सय १ पुगेको छ । कुल संक्रमितमध्ये हालसम्म २१९ जना कोरोना निको भएर घर फर्किएका छन् भने संक्रमण पुष्टि भएकामध्ये यो संख्यासहित सिन्धुपाल्चोकमा एक र बाँकेमा एक, गुल्मीमा एक, ललितपुरमा एक, बारामा एक गरी मृत्यु हुनेको संख्या ६ पुगेको छ ।
नेपालमा हालसम्म आरडीटी विधिबाट १ लाख ७ हजार ५५ नमुना परीक्षण भएको छ भने पीसीआर विधिबाट भने हालसम्म ६६ हजार ७ सय २१ परीक्षणहरु गरिएको मन्त्रालयले जनाएको छ ।
