सुस्मिता सेनले लकडाउनमा घरबाट भिडियोमार्फत योगा सिकाउँदै

काठमाडौं –  विश्वव्यापी रुपमा फैलिएको कोरोनाभाइरसको रोकथाम र नियन्त्रणको भारतमा गरिएको लकडाउनका कारण अहिले भारतिय फिल्मी बजार ठप्प छ ।  बलिउडमा रिलिज हुन तयार रहेका र शुटिंग भइरहेका फिल्महरु रोकिएका छन् । लकडाउनकै कारण बाहिर निस्कन नपाउदा बलिउड कलाकारलाई समय बिताउन समस्या भइरहेको छ ।

अहिले बलिउडका सबै अभिनेता र अभिनेत्रीहरु घरमै बसिरहेका छन् । लकडाउनकै कारण बलिउडकी चर्चित अभिनेत्री सुस्मिता सेन पनि घरमै छिन् । उनले अहिले घरबाटै सबैलाई योगा सिकाइरहेकी छन् । भारतिय मिडियाका अनुसार उनले भिडियोमार्फत योगा सिकाइरहेकी छिन् ।

पछिल्लो समय उनले योगा सिकाएको तस्बिरहरु सामाजिक सञ्जालमा सार्वजनिक भएको छ । अभिनेत्री सुस्मिताले योगाको भिडियो शेयर गर्दै अहिले देशवासी स्वास्थ्य हुनुपर्ने बताएकी छिन् । उनले सबैलाई घरमै बसेर योगा गर्न अनुरोध गरेकी छिन् ।