केन्ट, बेलायत प्रा. तुलसी दिवस र प्रा. डा. गोविन्दराज भट्टराई विश्व साहित्य सम्मेलनको लागि बेलायत आईपुगेका छन ।
विश्व नेपाली साहित्य महासंघको भोलि १२ तारिख बेलायतको केन्टबरी युनिभर्सिटीको सभाहलमा हुने विश्व नेपाली साहित्य सम्मेलनमा भाग लिनका लागि प्रा. दिवस र प्रा. डा. भट्टराई बेलायत आईपुगेका हुन । हिब्रो विमानस्थल अवतरण पश्चात स्वागतका लागि विनेसामका केन्द्रिय अध्यक्ष बिश्वासदीप तिगेला, विनेसाम साउथ यूकेका पूर्व अध्यक्ष बिजय हितान साथै केन्द्रिय कमिटीका सचिव केदार संकेत विमानस्थल पुगेका थिए ।
उक्त सम्मेलनमा बेलायतका धेरै साहित्यकारहरुको उपस्थिति हुने, अन्य देशहरुबाट पनि प्रतिनिधिहरु आउने साथै विनेसाम साउथ र वेस्ट बेलायत शाखाका सदस्यहरुको सहयोग रहने जानकारी तिगेलाले दिए । ***
