काठमाडौं – मिलन चाम्सको निर्देशनमा तयार भएको फिल्म ‘ह्याप्पी डेज’को ट्रेलर सार्वजनिक भएको छ । अाज युट्युवमार्फत सार्वजनिक गरिएको ट्रेलरमा एक्सन, लभ, कमेडी र ट्र्याजिडी देखाइएको छ ।
त्रिकोणात्मक प्रेमकथामा निर्माण भएको फिल्ममा दयाहाङ राई, प्रियंका कार्की, सञ्जय गुप्ता मुख्य भुमिकामा प्रस्तुत छन् । ‘लन्डन सिने आइ’ र ‘चाम्स इन्टरटेनमेन्ट’को ब्यानरमा निर्माण भएको यस फिल्ममा विपी खनाल, भवानी शर्मा, हिराल जोशी र मिलन चाम्सको संयुक्त लगानी रहेको छ ।
फिल्ममा प्रेम, नियति र बाध्यताले वेलायतमा वैधानिक बसोबासका लागि गर्ने संघर्ष गरिरहेको एक नेपाली युवालाई कसरी लक्ष्यतिर उन्मुख गराउछ भन्ने नै फिल्मको केन्द्रीय विषय हो । माघ १२ गतेबाट प्रदर्शनमा आउने फिल्ममा दयाहाङ, प्रियंका, सञ्जयसँगै विक्की जोशी, शिशिर राणा, रुपा पुन, रिकेश चाम्स लगायतको अभिनय छ ।
९० प्रतिशत छायांकन लन्डनमा गरिएको फिल्मलाई रामकुमार केसीले खिचेका हुन् ।
