जापानी निर्देशक डा. तोसिआकी इतोहले निर्देशन गरेको चलचित्र माई लभ प्रोमिस फर काठमाडौं मंसिर २९ गते अर्थात् डिसेम्बर १५ बाट प्रदर्शनमा आउने भएको छ । ०७२ साल बैशाख १२ गतेको भूकम्पले काठमाडौं उपत्यका र त्यस आसपासमा पुर्याएको क्षती र भूकम्पका समयमा सुरक्षाकर्मी र उद्दारकर्मीहरुले खेलेको रचनात्मक भूमिका लगायतका विषयवस्तुलाई समेटेर तयार पारिएको उत्त चलचित्रको ट्रेलर सार्वजनिक भएको छ ।
काठमाडौं उपत्यकासहित देशभरका मल्टिप्लेक्सहरुमा प्रदर्शनमा आउने यो चलचित्रमा नेपाली र जापानी दुवै देशका कलाकारहरु गणेश लामा, शितल श्रेष्ठ,जापानी अभिनेत्री रिवन मित्सुतानीको मुख्य भूमिका रहेको छ । यस्तै नेपाली कलाकारहरु चैत्यदेवी सिंह,चाँदनी लामा, राजु भुजु, मञ्जु श्रेष्ठ र जापानी कलाकारहरु युइची हायाता, शुतारो मत्सुदा, काजुतोशी थासाका, ताक मियामोतोको समेत अभिनय रहेको छ ।चलचित्रमा नेपालका महत्वपूर्ण सम्पदा तथा स्थलहरुको महत्व दर्शाउदै तिनीहरुको पुनर्निर्माण र संरक्षण जुट्नु सबै नेपालीको दायित्व रहेको सन्देश दिन खोजिएको छ ।
चलचित्रको अधिकांश छायांकन नेपालमा गरिएको भएपनि जापानका विभिन्न स्थानमा पनि यसको छायांकन गरिएको छ ।फिल्म क्रियसन नेपालको ब्यानरमा गणेश लामाले निर्माण गरेको माई लभ प्रमिस फर काठमाडौं चलचित्रमा ढल्दै गरेको धरहरादेखी भूकम्पले तहस नहस पारेको काठमाडौंलाई वास्तविक रुपमा प्रस्तुत गरिएको बताईएको छ । गीतकार सुष्मा देवकोटा र रमेश कोईरालाका शब्द साथै राज सागर र दिनेश सुनामकोे संगीत रहेको छ ।हेर्नुहोस भिडियो
