बाँके – बाँकेको बैजनाथ गाउँपालिकामा नेकपा एमाले विजयी भएको छ । अध्यक्षमा एमालेका मानबहादुर रुचाल ९ हजार ७ सय ७२ मत र उपाध्यक्षमा एमालेकी शारदा विक ९ हजार ७ सय ३८ मत प्राप्त गरि विजयी हुनुभयो ।
अध्यक्षमा कांग्रेसका देबहादुर खत्रीले ६ हजार ५ सय ५० र उपाध्यक्षमा भावना चौधरीले ७ हजार ३ सय ६६ मत पाउनुभयो । यस्तै अध्यक्षमा माओवादी केन्द्रका राजमोहन चौधरीले ५ हजार ३६३ र उपाध्यक्षमा जानकी विकले ४ हजार ३६५ मत पाउनुभयो ।
८ वडा मध्ये १ देखि ६ सम्म एमाले र ७ तथा ८ मा कांग्रेस विजयी भएको छ । बाँकेमा अहिलेसम्म घोषितमध्ये डुडुवा र राप्ती सोनारीमा कांग्रेस र नरैनापुरमा संघीय समाजवादी फोरम विजयी भइसकेको छ ।
४ तहमध्ये नेपालगञ्जमा राप्रपा, कोहलपुर नगरपालिका, खजुरा र जानकी गाउँपालिकामा एमालेको अग्रता रहेको छ ।
