उदयपुर – उदयपुरको चौदण्डी गढी नगरपालिकामा नेपाली कांग्रेस विजयी भएको छ । कांग्रेसका मेयर उमेदवार खगेन्द्र राईले ६ हजार ८ सय ७० मत प्राप्त गरि विजयी हुनुभएको हो ।
उहाँका प्रतिद्वन्दी नेकपा एमालेका नरेन्द्र कुमार राउतले ६ हजार ३ सय २० मत ल्याउनु भएको हो । यस्तै उपमेयरमा कांग्रेसकै रीता कुमारी चौधरीले ७ हजार ६ सय ६६ मत ल्याएर विजयी हुनुभएको छ ।
उहाँका निकटतम प्रतिष्पर्धी एमालेका कान्ता राईले ६ हजार ४ सय ८५ मत ल्याउनुभएको थियो ।
