काठमाडौं – अछामको मुटुको रुपमा हेरिएको साँफेवगर नगरपालिकामा नेकपा एमालेले जित हासिल गरेको छ । नेकपा एमालेको तर्फवाट साँफेवगर नगरपालिकाका प्रमुख पदका उम्मेदवार कुलवहादुर कुवर ४२६ मतान्तरले विजयी हुनु भएको छ ।
नेपाली कांग्रेसको तर्फवाट मेयर पदका उम्मेदवार ध्वजवहादुर कुवरलाई पछि पार्दै उहाँ विजेता बनेका हुनु भएको हो । विजेता कुलवहादुरले ५ हजार ८ सय ३८ मत ल्याएका छन भने प्रतिस्पर्धी ध्वजवहादुरले ५ हजार ४ सय १२ मत ल्याउनु भएको छ । त्यस्तै उपप्रमुखमा पनि एमालेका विर्मला बुड्थापा विजयी हुनु भएको छ । उहाँले ५ हजार ९ सय ८४ मत ल्याउनु भयो भने कांग्रेसका तर्फवाट उपमेयर रुपा आउजीले ५ हजार २ सय ६५ मत ल्याउनु भएको छ ।
१४ वडा रहेको साफेवगर नगरपालिकामा वडा नम्वर १, २, ३, ७, ११ र १२ नेपाली कांग्रेसले जितेको छ भने वडा नम्वर ४, ५, ६, ८, ९, १०,१३ र १४ नेकपा एमालले जितेको छ । साफेवगर नगरपालिका एमालेका केन्द्रीय उपाध्यक्षको नगर भएकाले चासोका साथ हेरिएको थियो ।
