काठमाडौं – कैलालीको धनगढीको गौरीगंगा नगरपालिकामा एमालेका उम्मेदवार विजयी भएका छन् । गौरी गंगा नगरपालिकामा एमालेका उम्मेदवार भिम बहादुर देउवा ५ हजार ८ सय ९१ मतसहित मेयरमा विजयी हुनुभयो भने एमालेकै अंशला चौधरी ६ हजार १ सय ४२ मतसहित उपमेयरमा विजयी हुनुभयो ।
उता, झापाको हल्दिबारी गाउँपालिकामा राप्रपाले अध्यक्ष पद जितेको छ । यो जितसँगै राप्रपाले झापामा दोस्रो सफलता हात परेको छ । यसअघि राप्रपाले कछनकवल गाउँपालिकामा अध्यक्ष र उपाध्यक्ष पद जितेको थियो । हल्दिबारी गाउँपालिकाको प्रमुखमा राप्रपाका उम्मेदवार रविन्द्र लिङदेन ३९४४ मत सहित विजयी हुनु भएको हो ।
उहाँले नेकपा एमालेकी उम्मेदवार मञ्जु सिटौलालाई ४०० मतले पराजित गर्नु भएको छ । उपप्रमुखमा भने नेकपा एमालेका डम्बर गिरीले ४३६८ मत ल्याएर विजयी हुनु भएको छ ।
