कमल थापाद्वारा सरकारबाट बाहिरिनेदेखि चुनाव बहिस्कार गर्नेसम्मको चेतावनी

काठमाडौं – उपप्रधान तथा स्थानीय विकासमन्त्री कमल थापाले राप्रपा विधानबाट हिन्दू राष्ट्र र संवैधानिक राजसंस्थाको व्यवस्था हटाउने भन्दै गरिएको निर्णयमा पुनर्विचार गर्न निर्वाचन आयोगलाई आग्रह गरेका छन् ।
थापाले निर्णय नसच्याइए सरकारबाट बाहिरिने र स्थानीय निर्वाचन बहिस्कार गर्ने चेतावनी दिए । दाङको एक कार्यक्रममा बोल्दै थापाले भने, ‘आयोगले निर्णयमा पुनर्विचार नगरे सरकार र निर्वाचनमा सहभागिताको प्रश्न उठ्नेछ र कठोर निर्णय गर्न बाध्य हुनेछौं ।’ ***