काठमाडौं – देशको विभिन्न क्षेत्रमा लगानी भित्राउने उद्देश्यले राजधानीमा शुरु भएको लगानी सम्मेलन आज सकिंदै छ । आजको दोस्रो दिनको कार्यक्रम बिहान ९ बजे देखिसूूरु भएको छ । सम्मेलनमा ऊर्जा, पूर्वाधार, पर्यटन, सूचना प्रविधि, वित्तीय क्षेत्र, खानी तथा खनिज,
कृषि तथा वनजन्य उत्पादनलगायतका क्षेत्रसँग सम्बन्धित विभिन्न सत्रमा छुट्टाछुट्टै कार्यपत्र प्रस्तुत गरिएका छन् ।
नेपाललाई लगानीको आकर्षक गन्तव्यका रुपमा स्थापित गर्ने उद्देश्यले उद्योग मन्त्रालय र लगानी बोर्डको संयुक्त आयोजना तथा राष्ट्रिय योजना आयोग र निजी क्षेत्रको सहयोगमा सम्मेलन आयोजना गरिएको हो । सम्मेलनमा प्रमुख वक्ताका रुपमा भारतका अर्थमन्त्री अरुण जेट्ली तथा एसियाली पूर्वाधार लगानी बैंकका अध्यक्ष जिन लिक्विनको पनि सहभागिता रहेको छ । सम्मेलनमा सबैभन्दा बढी चीनबाट विभन्नि कम्पनीका प्रतिनिधिको सहभागिता रहेको छ ।
त्यस्तै भारत, श्रीलङ्काबाट, मलेसिया, जापानबाट, क्यानाडा, हङकङ, बेलायत, दक्षिण कोरिया, भियतनाम, रुस र अमेरिकाबाट विभिन्न कम्पनीका प्रतिनिधीहरु सहभागी छन् । यस्तै झण्डै तीनसय स्वदेशी लगानीकर्ता, नीतिनिर्माता तथा विज्ञ पनि सम्मेलनमा सहभागी छन् ।
