![Gagan Thapa](https://samudrapari.com/wp-content/uploads/2012/01/Gagan-Thapa.jpg)
बिहीबार बिहान पोखरामा भएको पत्रकार सम्मेलनमा उहाँले हतियार विनाको माओवादीलाई आफुले जे भन्यो त्यो नेपाली नागरिकले मान्छन् भन्ने भ्रम त्याग्न पनि आग्रह गर्नुभयो ।
माओवादीले हतियार देखाएर आफुलाई ठुलो बनाएको बताउँदै अबको नतिजा अर्कै आउने थापाको भनाई थियो । उहाँले नेपालमा लोकतान्त्रिक संविधान जारी भएरै छाड्ने भन्दै माओवादीसँग अब कुनैपनि सहमति र सम्झौता हुन नसक्ने बताउनुभयो ।
कांग्रेस, शान्ति र संविधानका लागि भन्दै अधिकतम लचक भएपनि माओवादीले आन्तरिक विवाद मिलाउने नाममा देशमा कृत्रिम र नक्कली संकट निर्माण गरेको थापाले आरोप लगाउनुभयो ।