शेयर बजार ५२ अंकले बढ्यो, कारोबार रकम पनि ९ अर्बमाथि

समाचार सुन्नुहोस : 

काठमाडौँ  – आज बुधबार नेप्से परिसूचक उच्च अंकले बढेको छ । आज नेप्से परिसूचक ५२.३६ अंक बढेर २६६५.४५ विन्दुमा पुगेको हो । त्यस्तै, सेन्सेटिभ इण्डेक्स ८.६५ अंक बढेको । आज भने फ्लोट इण्डेक्स ३.२२ अंक बढ्दा सेन्सेटिभ फ्लोट इण्डेक्स २.६७ अंकले बढेको छ ।

नेप्सेसँगै आज कारोबार रकम पनि बढेको छ । अघिल्लो कारोबार दिन अर्थात मंगलबार ६ अर्ब १९ करोडको सेयर खरिदबिक्री भएको बजारमा आज ३२२ स्टकको ९० हजार ६९६ पटकको कारोबारमा ९ अर्ब २० करोड ३० लाख ८८ हजार रुपैयाँबराबरको १ करोड ७६ लाख ९२ हजार कित्ता सेयर खरिदबिक्री भएको हो ।