माल्टामा एक नेपालीको सडक दुर्घटनामा मृत्यु

समाचार सुन्नुहोस : 

काठमाडौँ – युरोपको माल्टामा सडक दुर्घटनामा परेकी नेपाली महिलाको निधन भएको छ। महोत्तरी बर्दिबास नगरपालिका–३ की २५ वर्षीया गौरीकुमारी बरालको उपचारको क्रममा शनिबार बिहान मृत्यु भएको हो।

गौरीकुमारी २०२२ को डिसेम्बरमा रोजगारीको सिलसिलामा माल्टा पुगेकी थिइन्। जनवरी ५ मा भएको सडक दुर्घटनामा गम्भीर घाइते भएकी उनलाई उपचारका लागि अस्पताल भर्ना गरिएको थियो। तर, लामो प्रयासपछि पनि उनको ज्यान बचाउन सकिएन।

गौरीकुमारीको शव नेपाल पठाउनका लागि एनआरएनए माल्टा सक्रिय भएको छ। एनआरएनए माल्टाका अध्यक्ष रेमलाल खनालले मृतकको परिवारको सहमति र परामर्श अनुसार शव नेपाल पठाउन प्रक्रिया अघि बढाएको जानकारी दिएका छन्।