समाचार सुन्नुहोस :
काठमाडौँ – नेपाल नर्सिङ संघको चुनावमा चन्द्रकला शर्माको नेतृत्व रहेको समूहले विजयी हासिल गरेको छ। हिजो सम्पन्न निर्वाचनमा अध्यक्ष पदमा शर्माले दुई प्रतिस्पर्धीलाई पराजित गर्दै स्पष्ट बहुमत प्राप्त गरिन्। उनले २,१५० मत ल्याएकी छिन्, जबकि उनका निकटतम प्रतिस्पर्धी गंगा कुमारी थापाले १,३७० मत र बसन्ती थापाले २८२ मत प्राप्त गरे।
वरिष्ठ उपाध्यक्ष पदमा रमेश सुब्बाले जित हात पारेका छन्। उनले २,०६० मत ल्याए भने उनका प्रतिस्पर्धी कल्पना श्रेष्ठ जोशीले १,५९७ मत प्राप्त गरिन्। उपाध्यक्ष पदमा बबिता घिमिरे विजयी भइन् । जसले २,०११ मत पाईं। उनका निकटतम प्रतिस्पर्धी मनिषा कोइरालाले १,५७० मत प्राप्त गरे।
महासचिव पदमा देवकुमारी आचार्यले १,७३३ मत ल्याएर विजय प्राप्त गरिन्। उनका प्रतिस्पर्धी मिनाकुमारी कार्कीले १,३४७ मत र जानकी धामीले ६२२ मत पाएका थिए। सचिव पदमा बेली पौडेलले २,०९० मत ल्याएर जित हासिल गरिन्। उनका निकटतम प्रतिस्पर्धी जया मिश्रले १,५७३ मत पाएकी थिइन्।कोषाध्यक्ष पदमा तुलसादेवी अधिकारी २,१८८ मतका साथ विजयी भइन्। जबकि रमादेवी पहारीले १,४८२ मत प्राप्त गरेकी थिइन्।
